Elektronika (ingilis, rus və azərbaycan dillərində izahlı terminoloji lüğət). ІI hissə. M - S (2/2)

Bakı, "Elm", 2013, - 312 s. ISBN 978-9952-453-40-9"Elektronika – ingilis, rus və azərbaycan dillərində izahlı ter-monoloji lüğət"in II hissəsini Sizin diqqətinizə təqdim edirik. I hissədə olduğu kimi, burada da əsas məqsədlərdən biri Azər-baycan dilində elektronika üzrə vahid terminologiya yaratmaq-dır. Kitabın quruluşu və stilini olduğu kimi saxlamış, elektron cihazların və qurğuların, həmçinin həmin cihaz və qurğuların işinin əsaslandığı fiziki hadisələr və effektlərin adlarını hər üç dildə vermişik. Kitabın birinci hissəsi işıq üzü gördükdən sonra Sizin verdiyiniz bir sıra təklif və iradlarınızı nəzərə almışıq. Kitab üzərində iş zamanı istifadə etdiyimiz müxtəlif mənbələri araşdırmış və bir sıra terminlərin ədəbiyyatda rast gələn bir neçə variantını göstərmişik. Bundan başqa verilən terminlərə aid rus və azərbaycan dillərində məqalələr tərtib etmişik. Bir çox məqalələr nisbətən daha geniş şəkildə tərtib edilmişdir.